Weight Management Coach

Die mens is nie gemaak om te stagneer nie, daarom glo ek mens kan altyd groei en verbeter in verskeie aspekte van mens se lewe. Daar is soveel hindernisse wat jou vashou en verhoed om te groei en jou volle potensiaal te bereik. Ek het ‘n groot hart vir mense en wil graag hulle help in die genesingsproses en om hulle te bevry van dit wat hulle weerhou van hulle doelwitte en geluk. Mens moet nooit glo dat jy alleen deur uitdagings hoef te gaan of skaam te voel om hulp te vra nie, want almal verdien om gelukkig te wees en optimaal te funktioneer.

Ek is die personifikasie van my motto: Dare to dream, dare to be free, dare to LIVE.

I am fully bilingual, comfortable in both Afrikaans and English.
Ek was vir jare ‘n onderwyseres – Biologie, Wiskunde en die afgelope paar jaar Visuele kuns en Drama. Tieners lê my baie na aan die hart, veral
probleem’tieners. Dit het my in die onderwys gefrustreer dat ek nie tyd gehad het om aan individue aandag te gee tot die mate wat ek graag wou help nie.
Die menslike liggaam en veral die brein en senuweestelsel interesseer my geweldig. Ek het ook die waarde van kuns, in al sy vorme, as terapeutiese middel
leer ken.

Ek het al meer gefrustreerd geraak en verlede jaar besef dat ek net bestaan en nie meer leef nie. Ek is getroud, met 3 volwasse, werkende dogters wat my gemotiveer het om ‘n beroepsverandering te maak. Danksy The Neuro Coach Method, leef ek nou daagliks my droom en passie uit met betroubare vaardighede wat ek optimaal gebruik om ander te help wat in ‘n groef vasgevang is. Saam met die kunsterapie stimuleer dit al my belangstellings en voel ek geroepe om ‘n verskil te maak as Life Coach en met verdere studie as Neuro Coach! Ek LEWE weer en besef dat God my my hele lewe lank vir hierdie roeping – deur al my lewenservarings – voorberei het.